Flat Tire Prevention And Maintenance

Unang-una, siguraduhin na laging nasa correct tire pressure ang iyong mga gulong. Ang gulong na masyadong malambot ay madaling mabubutas sa daan.

Pangalawa, gawing ugali na tingnan ang kondisyon ng iyong mga gulong bawat linggo. Dahil sa magandang quality ng mga kasalukuyang goma na tubeless, hindi agad puputok ang gulong kapag napadaan sa mga pako o matutulis na bagay.

Kadalasan ay tutusok lang ang pako sa gulong at gagawa ito ng tinatawag na "slow leak". Ang gulong na may slow leak ay magagamit pa rin, ngunit kailangan ma-vulcanize agad upang hindi lumaki ang sira sa goma. Kapag nakakita kayo ng pako o turnilyo o kung anumang nakatusok sa iyong gulong, huwag na nating i-delay ang pagpa-vulcanize nito! Ayaw na ayay natin na bumigay ang gulong sa daan.

Alam niyo ba na ang pudpod na gulong ay mas madaling ma-flatan? Nangyayari ito dahil masmanipis na ang tread ng gulong, at dahil dito ay mas madaling tumatagos ang mga matutulis na bagay. Kapag madalas na kayong nafa-flatan, senyales ito na kailangan na sigurong bumili ng bagong gulong.

Paano naman kung na-flatan ka na nga? Madali lang ang pagpalit ng gulong. Kung nangyari ito sa daan, i-On mo ang Hazard Lights at dahan dahanin ang pagparada sa shoulder ng kalye upang hindi makasagabal sa ibang motorista. Huwag pong pepreno ng malakas dahil hindi balanse ang iyong sasakyan at baka mawalan kayo ng control!

Kapag napatigil na ang sasakyan, ilabas ang iyong Early Warning Device at ilagay ng 15-20 feet mula sa likod ng iyong sasakyan. Kaya po mejo malayo ay upang mas makita agad ng kapwa motorista upang maiwasan kayo kaagad.

Next, ilabas ang Tire Jack, Cross Wrench, at Spare Tire.

Bago man iangat ang sasakyan, luwagan na ang mga nut ng flat tire upang masmadali itong tanggalin. Kailangan mo itong gawin dahil mahirap luwagan ang mga nut kapag umiikot na ang gulong sa sa ere.

Kapag naluwagan na, i-posisyon ang Tire Jack sa lift points ng kaha. Makikita ang mga marka nito sa ilalim ng sasakyan, pero kung hindi kayo sigurado kung saan, malalaman ito sa iyong Owner's Manual. Mahalaga pong gamitin ang Tire Jack sa wastong lift point upang hindi ma-damage ang kaha ng iyong sasakyan.

Kapag mataas taas na ang sasakyan, i-pwesto ang Spare Tire sa ilalim ng kaha, para kung sakaling biglang bumigay ang Tire Jack ay masasalo ng gulong ang sasakyan.

Kapag nakalawit na ang flat tire, simulan nang alisin ang mga lug nut nito upang matanggal ang gulong. Kapag ayaw matanggal ang gulong, madali lang ang solusyon diyan: Sipain ninyo! Umm!

Kapag natanggal na, ipagpalit ang Spare Tire sa Flat at ilagay ang ang mga lug nut.

Kapag secure na ang gulong, alisin ang Flat Tire sa ilalim ng kaha at unti-unting ibaba ang sasakyan. Kapag nakababa na ang sasakyan, higpitan ang mga lug nut sa tinatawag na "star" pattern upang pumantay ang torque nito. Finally, iligpit ng maayos ang mga gamit. Huwag kalimutan ang Early Warning Device! Mabuti rin kung may baon kang panglinis ng kamay upang hindi madumihan ang loob ng iyong Isuzu.

Other Features

Loading...